Хрватското небо вечерва беше сцена за навистина необична и фасцинантна глетка, а граѓаните ширум земјата беа сведоци на феномен кој ги остави без здив сите што го снимија.
Снимката од овој спектакуларен настан, снимена со помош на две камери над Латина кај Плашки, ја објави Фејсбук страницата MedicaChristian, предизвикувајќи лавина коментари и теории за тоа што би можело да биде причина за оваа необична појава.
Додека некои шпекулираа дека може да се работи за метеоролошки феномен или дури и неидентификуван летечки објект, експертите се огласија со објаснување.
За Вечерњи лист, астрономите Анте Радониќ и Борис Штромар потврдија дека се работи за трага на ракетна.
– Овие светлосни спирали обично се случуваат кога ракетите испуштаат остатоци од гориво во горниот дел од атмосферата. Најверојатно се работи за ракета на SpaceX Falcon 9, лансирана од Флорида – изјави Радониќ. Неговата оценка ја потврди Борис Штромар од Астрономското друштво Бескрај.
SpaceX денеска ја лансираше Falcon 9 како дел од тајната мисија на американската Национална канцеларија за извидување (NRO). Лансирањето се случи од вселенската база Ванденберг во Калифорнија, а патеката што ја остави ракетата при излегувањето од атмосферата создаде фасцинантен оптички феномен видлив над Хрватска.
