Мицкоски пратил абер од Дубаи, кога ќе се врати ќе разговара со сите коалициски партнери

Tеренот по кој оди коалицијата предовдена од ВМРО-ДПМНЕ е лизгав. Ова го потврди заменик-претседателот на партијата, Антонио Милошоски, кој најави дека премиерот Христијан Мицкоски, по враќањето од Обединетите Арапски Емирати, ќе разговара со сите коалициски партнери, вклучително и партиите од ВЛЕН, како и со министерот за здравство, Арбен Таравари.

„Да видиме што можеме да направиме, како може поголема политичка партија да помогне во управувањето со процесот за зачувување на компактноста на парламентарното мнозинство, но во секој случај стабилноста на Владата не е загрозена“, рече Милошоски.

Распадот на Вреди, го заокружи лидерот на Алијансата за Албанците, Арбен Таравари, кој одлучи да оди на локалните избори со својата советничка листа. Тој во интервју за „Лајм“ потврди дека разговарал со лидерот на ДУИ, Али Ахмети, но само телефонски.

На прашање на новинар дали имал средба со Ахмети или очекува да има таква, Таравари вели:

„Не, не, не. Имаше телефонски повик и тоа е…“.

Во врска со превирањата во Вреди и влијанието врз владината коалиција, вчера во телевизиско интервју пратеникот од ВМРО-ДПМНЕ, Антонијо Милошоски, рече дека не е задоволен што има такви турбуленции кај нивниот коалициски партнер.

„Како претставник на ВМРО-ДПМНЕ, можам да ви го кажам ставот на партијата, а ќе го слушнеме и премиерот за Владата. Не смееме да бидеме задоволни што има такви турбуленции во коалицијата ВЛЕН. Не би биле многу среќни ако успеат да ја задржат својата политичка компактност, бидејќи тоа беше силен адут за нас да ја добиеме заедничката доверба на гласачите.“ рече Милошоски.