Неколку фреквентни автобуски постојки во Скопје утрово осамнаа „украсени“ со лепенки во облик на менструални влошки. „Сè ќе биде ОК“, „Јас и ти можеме сè“ и „Никаде без Beastie“ се пораките испратени преку овие интересни лепенки во форма на хигиенски влошки.
Интересно е што и во неколку градски автобуси беа забележани лифлети во облик на менструална влошка, на кој исто како и на лепенките од автобуските постојки, може да се воочи QR код.
За што станува збор? Секој може да открие со скенирање на QR кодот, а целата идеја е навистина благородна, едукативна и би требало да инспирира позитивни промени во сфаќањата на одредено прашање што ги засега сите девојки и жени.
