Мемоарите на Бритни Спирс „The Woman In Me“ ќе бидат адаптирани во филм. Universal Pictures ги доби правата за книгата на аукција помалку од една година откако книгата се појави на полиците.
Во проектот беа вклучени режисерот Џон М. Чу и продуцентот Марк Плат, пишува Variety.
Спирс подоцна ја потврди веста на социјалните мрежи.
Excited to share with my fans that I’ve been working on a secret project with #MarcPlatt. He’s always made my favorite movies … stay tuned 🌹🎥
— Britney Spears 🌹🚀 (@britneyspears) August 1, 2024
„Возбуденa сум што можам да споделам со моите обожаватели дека работам на таен проект со Марк Плат. Тој секогаш ги правеше моите омилени филмови… останете во тек“.
„Жената во мене“ имаше огромен успех по објавувањето и продаде над 2,5 милиони примероци само во САД, надминувајќи еден милион примероци ширум светот во првата недела.
Книгата содржеше голем број значајни откритија во нејзината искрена дискусија за нејзината кариера, врски и лични искуства. Една од најзначајните беше тоа што таа имала абортус додека се забавувала со Џастин Тимберлејк помеѓу 1998 и 2002 година, пишува NME.
