Кошаркарската репрезентација на САД останува без услугите на Каваи Ленард за Олимписките игри во Париз оваа година, што е голем удар за селекцијата која е апсолутен фаворит за златото на планетарниот собир. На негово место е повикан бекот на Бостон Селтикс, Дерик Вајт.
Интересно е тоа што од тимот е изоставен еден од најдобрите играчи на Истокот и МВП на финалето на НБА, Џејлен Браун. Кога беше објавена одлуката за Вајт, Браун беше првиот кој го прокоментира тоа.
Тој на социјалната мрежа „Х“ ја означи компанијата Најк со прашањето: „Така правиме?“
Браун потоа објави уште еден пост, каде што стави три емотикони.
Според неговата теорија, Браун смета дека неговиот соиграч од Бостон е избран само затоа што е негов спонзор е „Најк“. Кога беше драфтуван во 2016 година, Браун потпиша договор со Адидас.
Сепак, репрезентативниот директор Грант Хил ги „затвори“ шпекулациите дека Вајт е избран затоа што го претставува „Најк“. Хил објасни што довело до одлуката за избор на Вајт.
- Добивате 12 места и треба да изградите тим. Една од најтешките работи што треба да се направи е да ги исфрлите луѓето од списокот, особено момците на кои сум обожавател и со нетрпение очекувам да ги гледам во текот на сезоната и плејофот. Момците кои беа МВП на финалето, кои беа дел од програмата, освоија златни медали, оние што ги почитувам и уживам да ги гледам. Одговорноста што ја имам да го составам тимот, морам да го изберам играчот кој ќе ни даде најдобра можност да успееме и кој ни одговара. Сè додека постојат теории, тие се само тоа, но тоа е моја одговорност. Тешко е да се разговара со луѓето и да се каже дека тие не се во селекцијата. Се обидувам да ги составам вистинските фигури кои ни даваат шанса да победиме, заклучи Хил.
