Меган Маркл обвинета за плагијат: Шпански град сака да ја тужи за кoпирање на нивниот официјален грб/ФОТО

Од страна на
Вечер
-
616

Властите во шпанскиот град Поререс размислуваат за „правна постапка“ против Меган Маркл поради сличноста на нејзиното лого со нивното.

Војвотката од Сасекс, Меган Маркл, би можела да се соочи со тужба откако го претстави новиот изглед на брендот „American Riviera Orchard“.

Меган на својот Инстаграм профил на 18 февруари објави дека нејзиниот луксузен бренд ќе се вика „As ever“ и откри нов дизајн на веб-страница и лого.

Но, логото на кое се гледа палма и птици, изгледа како плагијат на грбот на шпанскиот град Поререс, кој се наоѓа во Мајорка, Шпанија.

Додека грбот на Поререс е полн со бои (портокалова, зелена и црна), верзијата на Меган на „As ever“ е стилизирана во сива и бела боја.

Градоначалничката на Поререс, Франсиска Мора, го изрази своето чудење за локалниот весник Ара Балеарс, нарекувајќи ја сличноста „надреална“.

„Не знам дали посетила некоја агротуристичка локација и го видела грбот, бидејќи фотографијата на нејзината веб-страница е направена од Мајорка“, објави Mirror US.

Мора откри дека градскиот совет размислува дали да поднесе тужба против Маркел.

„Не сакаме нашиот грб да биде искривен затоа што му припаѓа исклучиво на Поререс. Единствената разлика помеѓу нејзиното лого и нашиот грб е тоа што нивниот лого покажува две колибри, додека нашиот има или ластовички или гулаби, историчарите сè уште не можат да се сложат околу тоа“.

Од друга страна, „можеби само да го стави Поререс, мал град од 13 век, на светската мапа и да го направи глобално популарен“.

„Се надевам дека многу луѓе ширум светот ќе станат свесни дека постои град во внатрешноста на Мајорка што го има овој грб. Овој мал град има околу 5.000 жители и се наоѓа на околу 22 милји од главниот град на Мајорка, Палма“, изјави Мора.

Меган во видеото објасни зошто решила да го смени логото на својот бренд.

„Минатата година си помислив: „Знаете што? Американска ривиера, тоа звучи како толку одлично име. Тоа е моето соседство, тоа е прекар за Санта Барбара, но ме ограничи на работи кои се произведуваа и растеа во оваа област. Размислував за тоа и чекав вистински момент да го објавам името што го обезбедив во 2022 година, и ова е тој момент“.

Инаку, Меган Маркл веќе беше обвинета за плагијат кога објави детска книга со сличен наслов од британски автор во 2018 година.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ