Маж (38) со мачета во рака влегол во пекарница во Германија, а по кратко време петмина го претепале до смрт.
Во берлинскиот кварт Рајхенау се случи злосторство во кое беше убиен 38-годишен маж, а полицијата уапси неколку осомничени. Сведоците известуваат дека жртвата била вклучена во насилен конфликт пред неговата смрт.
Минувачите денеска нашле маж на тротоарот на Волизер Штрасе без знаци на живот. Брзата помош и полицијата брзо интервенирале, но секој обид за реанимација бил залуден. Според изјавите на сведоците, непосредно пред инцидентот се слушнала гласна расправија, а некои изјавиле дека виделе неколку лица како ја напаѓаат жртвата, пренесува Феникс.
Полицијата: Конфликтите често се решаваат со екстремно насилство
Според полициски извори, жртвата наводно влегла во блиската пекара со мачета во раката, што ја ескалирало пресметката. Подоцна, група мажи ја претепале жртвата со безбол палки, по што тој починал.
Петмина мажи на возраст од 24, 37, 39, 50 и 57 години биле во непосредна близина и привремено се уапсени“, соопшти полицијата.
Инспекторите веруваат дека жртвата била бездомник. Во текот на утрото местото на настанот беше целосно блокирано, а вештаците од судска медицина внимателно прибраа докази. Формиран е специјален истражен тим кој детално ги истражува околностите на убиството.
Полициските синдикати изразија загриженост поради зголемениот број насилни инциденти во Берлин. „Ова е уште еден трагичен пример за тоа како конфликтите често се решаваат со екстремно насилство. Се надеваме на брзо и целосно решение за овој случај“, рече портпаролот на полицијата. Засега не се познати дополнителни детали за мотивот и идентитетот на жртвата.
