Матура ќе се полага во училиштата кои имаат услови, за сите други тестирањето ќе биде на факултетите

Училиштата кои немаат услови за спроведување државна матура, нивните ученици ќе ги спроведат во некој одфакултетите, за да не се соочат со ситуација како лани, кога се носеа клупи и столлчиња во дргуи простории.

– Сите оние училишта коишто ги исполнуваат просторните можности согласно Правилникот за организирање државна матура, што значи метар и половина пред и од зад ученикот и од страна, имаат можност да полагаат во големите простории коишто ги имаат во училиштата, а тоа се фискултурните сали или холовите. За останатите училишта кои немаат такви услови, државната матруа ќе се организира на други локации, поточно на факултетите – рече директорката на Државниот испитен центар, Даниела Јовчевска Михајловска.

Побарано е од директорите на училиштата да ги анализираат просторните услови и да достават барање доколку немаат можност да ја организираат матурата, за да им се обезбеди просторија. Оние кои немаат можности за организирање државна матура, ќе добијат насоки каде ќе може да ја спроведат.

– Такви училишта се повеќе во државата, има од Штип, од Скопје, од Прилеп, Битола, тетово, коишто немаат услови да полагаат во свои училишта – додаде Јовчевска Михајловска.

Лани, скопското училиште „Марија Кири“ полагаше државна матура на Земјоделскиот факултет, заедно со некои други помали учлишта, бидејќи малите училишта кои имаат помалку од 30 училишта се организираат да полагаат заедно со други училишта.

Се одело и во спортски сали во други училишта, па носеле клупи од нивното училиште, се снаоѓале со транспорт. Сето тоа покажува дека условите не се баш најдобри, да се носат клупи, столче, па немаат луѓе, ангажираат луѓе да им помогнат. На факултетите сето тоа го имаат.

За оваа година нема договорено блокатори за да нема препишување, но не се исклучува можноста за следните години.

Претседателот на Сојузот на средношколци Берин Мухамед рече дека во април ќе треба да се брани проектната задача, а средношколците, под менторство на професорите веќе се подготвуваат. Посочи дека на располагање им се и материјали и тестови од претходните години, со цел да се запознаат со форматот на полагање на државната матура и постигнување што повисок успех.