Руската војска утринава изврши масовен напад со крстосувачки ракети и беспилотни летала врз Украина. Прогласена е закана од воздушен напад низ целата земја.
Силни експлозии се слушнаа во Харков, вториот по големина град во Украина, со еден милион жители. Како што предупредија украинските власти, Русија исфрли седум бомбардери Ту-22 и шест бомбардери Ту-95.
Крстосувачки ракети беа лансирани од воени бродови во Црното Море, воени авиони МиГ-31К, додека балистичките ракети беа лансирани од копнени фрлачи.
Цели на нападите се украински хидроцентрали и друга инфраструктура во западниот дел на земјата, соопштија украинските власти.
Полска, членка на НАТО, како одговор на нападот, ги крена борбените авиони. Експлозии се слушнаа во регионите Хмелницки, Виниција и Ивано-Франковск.
Во регионот Лавов, на крајниот запад на Украина, се слушаат операции за противвоздушна одбрана.
Russia attacked Ukraine’s energy infrastructure this morning – yet again.
“The target for the Russians is unchanged: our energy sector. Gas infrastructure and energy facilities that ensure normal life for people were targeted. More than 40 missiles were launched, including… https://t.co/CJY0BsRzW3 pic.twitter.com/aKiXinJkVH
— Anton Gerashchenko (@Gerashchenko_en) January 15, 2025
Украина воведе вонредни прекини на струја во шест региони поради, како што го опишаа властите „масовен“ ракетен напад од Русија, соопшти националниот оператор на електричната мрежа.
Украинските воздухопловни сили предупредија на повеќе групи проектили истрелани од Русија за време на националната тревога, но засега нема извештаи за штета, објави Ројтерс.
Според соопштението на Укренерго, прекини на електрична енергија имало во регионите Харков, Суми, Полтава, Запорожје, Днепропетровск и Кировоград.
Украинскиот министер за енергетика Херман Галушенко објави на социјалните мрежи дека се во сила и „превентивни мерки“ поврзани со дистрибутивниот систем.
Украинското воено воздухопловство соопшти дека руските сили употребиле крстосувачки ракети Kh-101, Kh-22 и „Caliber“ во нападот утринава.
Руското Министерство за одбрана претходно се закани со одмазда откако Украина ги нападна воените и индустриските локации низ Русија во голем напад со беспилотни летала еден ден претходно.
Во нападот утринава учествуваше група стратешки бомбардери Ту-95МС, кои полетаа од аеродромот Олења во регионот Мурманск. Покрај тоа, Русите лансираа балистички ракети од регионот на Белгород.
Засега нема извештаи за жртви или материјална штета.
