Илон Маск, американски милијардер и еден од клучните луѓе на Трамп, го коментираше терористичкиот напад во Лас Вегас, каде пред хотелот на Трамп експлодираше возило „сајбертрак“, инаку, возило произведено од компанијата Тесла на Маск.
“Злобните идиоти избраа погрешно возило за терористички напад. “Cybertrack” всушност ја содржеше експлозијата и го насочи ударот нагоре. Ниту стаклените врати во лобито не беа скршени”, напиша Маск на социјалната мрежа X.
Малку порано, исто така на Икс, напиша дека нивното истражување, предводено од целиот висок тим на „Тесла“, потврдило дека експлозијата била предизвикана од големо количество огномет или бомба и дека таа не била поврзана со самото возило.
„Сите податоци за телеметријата на возилата беа позитивни во моментот на експлозијата“, напиша Маск.
WATCH: The moment a Tesla Cybertruck exploded this morning in front of Trump International Hotel in Las Vegas pic.twitter.com/loJtRqYabO
— MeidasTouch (@MeidasTouch) January 1, 2025
Владини претставници изјавија за ABC News дека експлозијата на „сајбертракот“ на Тесла се истражува како „можен терористички акт“ и дека возилото превезувало пиротехнички минофрлачи.
Извршниот директор на Тесла, Илон Маск, најави дека ќе ја разгледа можноста за поднесување тужби против медиумите поради нивното покривање на експлозијата на сајбер камионот што се случи пред хотелот Трамп во Лас Вегас во средата. Конзервативниот активист Роби Старбак сподели напис на Business Insider на X во кој инцидентот е опишан како „експлозија на сајбер камион“.
„Маск треба да размисли да ги тужи медиумите затоа што ја обликувале приказната на овој начин. Овие наслови ја саботираат марката Tesla со тоа што ги тераат луѓето да мислат дека Cybertruck се запалил. Има околу еден пожар во возило на Tesla на секои 130 милиони возени милји. Другите автомобили горат на секои 18 милиони милји“, напиша Старбак.
