МАСК ГО НАЈАВИ „GROK 3“: Најпаметниот модел на вештачка интелигенција во светот

Американскиот милијардер Илон Маск го најави лансирањето на најновиот модел со вештачка интелигенција, Грок 3, на својата социјална мрежа Х (Твитер), додавајќи дека тоа е „најпаметната вештачка интелигенција во светот“.

Како што е наведено, презентацијата на демо верзијата на моделот Grok 3 е најавена за вторник во 5 часот по средноевропско време. Маск претходно изјави за време на видео конференцијата на самитот во Дубаи дека Grok 3 ќе ја надмине секоја конкурентна алатка за вештачка интелигенција објавена досега, пишува Bloomberg.

Моделот е обучен на синтетички податоци и е способен да размислува за грешките што ги прави со движење напред-назад низ податоците за да постигне логична конзистентност, рече Маск.

Пред неколку месеци, тој бесплатно го стави на располагање моделот на вештачка интелигенција Grok 2 кој може да генерира текст и секакви слики од едноставно барање на секојдневниот јазик.

Вредноста на компанијата за развој на вештачка интелигенција xAI на Маск моментално се проценува на околу 50 милијарди долари, објави CNBC.
Лансирањето на алатката Grok 3 доаѓа во време кога многу земји брзаат да развијат чет-ботови кои се софистицирани и поевтини.

Кинескиот стартап DeepSeek неодамна ги потресе пазарите со својот истоимен модел со вештачка интелигенција, кој според параметрите е споредлив со производите на Open AI, но е направен по значително пониска цена.