Милијардерот Илон Маск вети дека ќе подарува по еден милион долари секој ден до претседателските избори во ноември на некој што ќе ја потпише неговата онлајн петиција за поддршка на Уставот на САД.
Маск веднаш додели чек од 1 милион долари на еден од присутните на неговиот митинг во Пенсилванија наменет за собирање приврзаници на републиканецот Доналд Трамп.
Според организаторите на настанот, победникот е човек по име Џон Дрехер.
Подарокот во пари е најновиот пример за тоа како Маск го користи своето огромно богатство за да влијае на неизвесната претседателска трка меѓу Трамп и демократската противкандидатка Камала Харис.
BREAKING: Elon Musk announces that he will be randomly awarding $1 MILLION every day from now until Election Day to registered Pennsylvania voters who sign America PAC’s petition and surprised a member of the audience as the first winner.
SIGN: https://t.co/PgHAgrlTFA pic.twitter.com/qd4ZRNe4z4
— America (@america) October 20, 2024
Маск ја основа “Америка ПАК“, политичка акциона организација која ја поддржува претседателската кампања на Трамп. Групата помага да се мобилизираат и регистрираат гласачите во државите каде што трката е најнеизвесна, но има знаци дека има проблеми да ги исполни своите цели.
Митингот во Харисбург е трет во исто толку дена во Пенсилванија каде Маск со остри зборови ги опиша ноемвриските избори и ги охрабри поддржувачите да гласаат предвреме и да ги натера другите да го сторат истото.
Тој изјави дека ако победи Харис, тоа ќе бидат „последни избори“, сугарирајќи дека САД повеќе нема да постојат. Тој исто така рече дека двата атентати на Трамп докажуваат дека тој се обидува да го промени статус кво-то“ на начин на кој Харис не го прави тоа и затоа никој не се обидува да ја убие.
