Францускиот претседател Емануел Макрон денеска ги повика европските компании да престанат да инвестираат во Соединетите Американски Држави, откако претседателот Доналд Трамп најави нови царини за стоки увезени од Европската унија и многу други делови од светот.
Тој истакна дека „нема смисла да се инвестира во САД додека таа земја се бори против Европа“, објави „Блумберг“.
„Каква би била пораката ако големите европски играчи инвестираат милијарди во американската економија во исто време кога нè погодуваат нас“, рече Макрон.
Говорејќи во пресрет на состанокот со претставниците на индустриските групи погодени од царините, тој истакна дека сега е неопходно да се има колективна солидарност.
Во средата Трамп објави царини од 20 отсто за увозот од Европската унија, кои ќе стапат на сила на 9 април.
Американскиот претседател ги именуваше француската компанија за поморски услуги CMA CGM SA и производителот на автомобили „Стелантис“ како компании кои „неодамна инвестираа во САД благодарение на него“.
Споменатиот француски гигант минатиот месец најави дека ќе инвестира 20 милијарди долари (околу 18,14 милијарди евра) во САД за развој на поморската инфраструктура, пренесува „Танјуг“.
ИЗДВОЕНИ
Ќе видиме ли политика на помирување наместо поделби? Мразот е скршен, шоуто продолжува
Смоките и македонскиот ајвар на удар на царините на Трамп
“Царот“ бил опседнат со бришење на трагите, со ВД 40 ги чистел воланот, менувачот, лопатите…
Нема повеќе „мaчка во вреќа“, нарачките од Тему или Алиекспрес ќе се царинат
