Македонија поразена од Холандија во Вараждин/ФОТОГАЛЕРИЈА

Македонските ракометари загубија од Холандија со 32:37 во второто коло на Светско првенство во ракомет.

Холанѓаните триумфираа иако нивните голмани имаа само четири интервенции, но ракометарите во портокалово на овој меч изведоа дури 13 седмерци.

Кај македонскиот тим имаше дури седум санкции од по 2 минути, а црвени картони добија Павле Атанасијевиќ и Милан Лазаревски.

Најефикасен во нашиот национален тим беше Кузмановски со девет гола, а Серафимов постигна шест.

Додека тимот на Холандија се пласираше во втората фаза, последна шанса на Македонците е на последниот меч од групната фаза кој нашите ракометари го играат во недела против Гвинеја (18 часот).

Фото:П.Стојановски