Македонија и Бугарија ќе одиграат хуманитарен меч за Кочани

Македонските фудбалски ветерани ќе одиграат пријателски натпревар со Бугарија, од хуманитарен карактер, за настраданите во пожарот во Кочани. Средбата ќе биде одиграна на стадионот „Спартак“ во Варна, на 27 април со почеток во 16:00 часот.

Настанот е во организација на фондацијата „Националс 94“, во партнерство со Општина Варна, а собраните средства ќе бидат донирани за лекување на повредените во пожарот.

Еден од фудбалерите што ќе настапат за Бугарија е легендарниот Христо Стоичков, додека од македонска страна, на теренот се очекува Горан Пандев.

Инаку, хуманитарен натпревар за жртвите во Кочани ќе одигра и најтрофејниот клуб во нашата земја, екипата на Вардар, против српскиот гигант Црвена звезда. Билетите за тој натпревар, кој ќе се одигра на 16 април, изнесуваат 100 денари за западната и за источната трибина, односно 200 денари за јужната и за северната.

• Информација за оние што се интересираат за билети за хуманитарниот со Ц. звезда: билетите ќе се продаваат исклучиво преку платформа (исто како што продава ФФМ сега за Велс). Југ и север 200 денари, запад и исток 100. Бесплатно за децата од основните училишта од Кочани што би дошле организирано. Сите други плаќаат, почнувајќи од мене и претседателот на ФФМ до секој добронамерник и хумана личност што ќе дојде на натпреварот – се вели во изјавата на Неделковски.