Претставници на асоцијацијата „Макам-транс“ учествуваа на манифестација што ја организира средното техничко училиште АСУЦ „Боро Петрушевски“ – Скопје, секоја година, со цел да ги доближи до учениците активностите што би се извршувале по завршување на нивното образование, преку штандови на голем број стопанственици.
– Оваа година за првпат се промовира насоката возач на моторно возило, а, како асоцијација, ве претставуваме вас и укажуваме на потребата од стручен кадар, кој ќе ги управува вашите возила, ќе има познавање од странски јазик и стручна материја, која е битна за вршење, пред сè, на меѓународен превоз, со што и превозното друштво ќе биде претставено во позитивна смисла. Младите лица (мажи и жени) ќе имаат можност за едукација и поголемо вреднување на работното место возач на моторно возило – информираа од „Макам-транс“.
Притоа, на асоцијацијата „Макам-транс“ ѝ е доделена благодарница за успешна соработка во реализирањето отворен ден во училиштето АСУЦ „Боро Петрушевски“ на Град Скопје, за промоција на средното стручно образование.
