Луис Хамилтон се извлече

Возачот на Ферари, Луис Хамилтон нема да биде казнет поради попречување на возачот на Вилијамс, Александар Албон на вториот слободен тренинг пред трката за ГН на Саудиска Арабија во Формула 1.

По тренингот, судиите оценија дека инцидентот на свиокот 17 не бил доволно „опасен“ и затоа немало потреба од опомена или казна.

Возачот на Вилијамс беше во брз круг и за малку не налета на Хамилтон, кој се движеше со мала брзина по идеална патека. Албон го заобиколи, но беше принуден да го промени правецот толку ненадејно со голема брзина што постоеше ризик да удри во заштитниот ѕид.

Албон преку радио се пожали дека Хамилтон му го одвлече вниманието, додека Луис од своја страна го критикуваше тимот на Ферари што не го предупредил за болид кој му се приближува во брз круг.

Раководството на трката во Формула 1 има договор со тимовите, неформален, но кој помага во спроведувањето на правилата, дека во случај на одвлекување на вниманието на возачот за време на слободните тренинзи, нема казна, освен ако инцидентот не се карактеризира како „опасен“. Судиите вчера одлучија дека овој инцидент не е опасен.

Албон, кој прво беше сослушан од судиите, изјави дека ситуацијата не е опасна и тоа е прифатено како конечна одлука.