На самитот на Хиндустан Тајмс во Њу Делхи, Лиз Трус ја изрази својата желба Велика Британија да го добие „својот Доналд Трамп“.
Најкратковечната британска премиерка Лиз Трус ја поздрави убедливата победа на републиканскиот кандидат на изборите во САД и повика на британска верзија на контроверзниот поранешен претседател.
Говорејќи на самитот на Хиндустан Тајмс во Њу Делхи, Трус рече „Искрено, мислам дека ни треба Британец Доналд Трамп. Прашањето е кој би можел да биде тој некој“.
Трус, која поднесе оставка по само 49 дена како британска премиерка, хаотичен период во 2022 година, рече дека Британците сакаат да ја видат истата „револуција што Трамп ја донесе во Америка“, пренесе Политико.
Сепак, поранешната премиерка ја отфрли можноста таа да биде лидер на револуцијата.
