Лекарот ги открил најдобрите пози за спиење: „Болките во грбот ќе исчезнат“

Доколку имате проблеми со болки во грбот, потребно е да спиете на начин што нема да изврши дополнителен притисок на ‘рбетот. Ако не можете да ја најдете идеалната положба, ќе ја поминете ноќта тркалајќи се од една на друга страна, а вашето тело ќе биде помалку подготвено да се справи со болката бидејќи спиењето е клучно за закрепнувањето.

„Потребен е некој вид на кореографија за да се уверите дека спиете правилно и да ги елиминирате болките во грбот“, вели др. Дариен Сатон, лекар за итна медицина и медицински дописник за ABC News.

Д-р. Рејмонд Ј. Хах, вонреден професор по ортопедија на Медицинскиот факултет Кек на Универзитетот во Јужна Калифорнија, рече дека спиењето на стомак ја израмнува природната кривина на ‘рбетот, ставајќи непотребен притисок врз вашите мускули и зглобови.

Оваа положба може да ја влоши болката во горниот дел на грбот бидејќи вратот е свртен на едната страна.

„Спиењето на стомак исто така може да предизвика брчки и отекување на лицето бидејќи лицето ви е притиснато во перницата“, вели Рупеш Шах, естетски лекар, додека Сатон признава дека спие стомак.

„Спиењето на стомак едноставно не е здраво. Вие го компресирате градниот кош, а ако сте личност свесна за изгледот, го стегате лицето во перницата. Можеби ќе изгледате постаро кога ќе се разбудите ако спиете на вашиот стомак“, додаде Сатон, препорачувајќи да ставите перница под колковите и долниот дел на стомакот или едноставно да спиете на грб или на страна.

Вашиот грб ќе биде во совршена положба ако одберете да спиете на грб.

Сатон советува да ставите перница под колената и под вратот за да го усогласите ‘рбетот. Бремените жени треба да се консултираат со својот лекар пред да го испробаат овој метод.

Но, дури и спиењето на грб не е совршено. Keck Medicine известува дека спиењето на грб ја намалува циркулацијата на крвта во срцето. Keck Medicine пишува дека спиењето на страна со исправени нозе е втората најдобра поза за болки во грбот, пишува New York Post.

„Ставањето перница меѓу нозете помага во усогласување на ‘рбетот и ве спречува да ги повлечете колената кон градите“, рече Сатон. Оваа положба на спиење, позната како фетална положба, може нерамномерно да ја распредели тежината на ‘рбетот, што може да доведе до болка и непријатност.