Еден од најдобрите кошаркари на денешницата, Леброн Џејмс, објави порака на социјалните мрежи за која американските медиуми веруваат дека е одговор на раперот Кевин Гејтс. Тој неодамна изјави дека не би го менувал местото со најдобриот стрелец во НБА на сите времиња, а потоа ја вмеша и сопругата на Леброн во одговорот.
Савана Џејмс е во брак со Леброн од декември 2013 година и е мајка на нивните три деца, синовите Брони и Брис и ќерката Жури. Гејтс ја спомена откако го виде нејзиниот израз во текот на поздравот со Леброн, опишувајќи ја како затворски управник.
- Не ми се допаѓа како го гледа Савана Леброн. Ми се допаѓа како го гледаат белите жени – изјави раперот.
Иако не кажа што мисли точно, Леброн објави порака на „Инстаграм“, за која американските медиуми сметаат дека е негов одговор на коментарот на Гејтс.
- Кралевите не се заморуваат со мислењето на „селјаците“. Каде потоа, моја кралице?! – напиша Леброн за фотографијата на која е заедно со Савана.
Гејтс одговори на тоа со видео.
- Вистината боли, но лекува. Брон, те сакам! – заврши американскиот рапер.
Инаку, Леброн се бори со својот Лос Анџелес лејкерс за титулата во НБА-лигата, а прв противник во плејофот им е тимот на Минесота.
ИЗДВОЕНИ
Граѓаните сами да ги читаат броилата за да не плаќаат астрономски сметки за струја
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
