Голманот на Реал (М), Тибо Куртоа продолжува да се истакнува помеѓу стативите откако се опорави од скинатиот медијален менискус на десното колено, но тој моментално има проблеми што треба да ги реши надвор од теренот.
Имено, Елса Изак, мајката на вонбрачниот син на Белгиецот, резултат на аферата што ја имале двајцата во 2017 година, јавно го критикуваше старателот, објаснувајќи дека живее со својот седумгодишен син Енцо во куќа која „се распаѓа“.
“Куќата ни се распаѓа. Не можеме повеќе да живееме вака. Загрижена сум дека банката ќе ја земе куќата и се грижам секогаш кога некој ќе затропа на вратата”, изјави Елса и додаде:
“Не сакам да станеме бездомници преку ноќ. Мислам дека не е прифатливо Тибо да лета со приватни авиони, да се забавува на јахти и да го остави својот син во оваа средина. Сигурно има пари да се грижи за својот син?”
Шпанските медиуми објаснуваат дека се се случило кога Куртоа и Елса се запознале во 2014 година, во времето кога тој потпиша за лондонскиот премиерлигаш Челзи.
Двајцата биле соседи во Лондон и на крајот имале афера. Елса на живеела во имот вреден околу 3,5 милиони евра и останала без пари за да го плати. Долгот, во овој момент, е поголем од 70.000 евра.
Да потсетиме, ова не е прва полемика која го доведе името на Тибо Куртоа во центарот на вниманието. Во 2014 година имаше афера со тогашната девојка на Кевин Де Бруин, а неодамна беше исфрлен од репрезентацијата поради несогласувања со селекторот Доменико Тедеско кој пред еден месец доби отказ.
