Триесет и седум годишен маж, кој има полициско досие со ознака „ризик од тероризам“, е осомничен дека убил едно лице со нож и тешко ранил двајца општински полицајци на крајот од собирот во Мулхаус, во источна Франција.
Осомничениот има досие со ознака „ризик од терористичка радикализација“, изјави обвинителот Николас Хајц, кој го посети местото на настанот.
Полицајците биле избодени со нож во каротидната артерија и градниот кош, рече обвинителот, додавајќи дека полесно се повредени уште тројца општински полицајци.
Министерот за внатрешни работи Бруно Ретајло се очекува на лице место во текот на вечерта.
Нападот се случил околу 16:00 часот на маргините на митинг за поддршка на Демократска Република Конго, која се соочува со офанзива на вооруженото движење М23, кое е поддржано од Руанда.
Според локални извори, на осомничениот, кој е роден во Алжир, претходно му било наредено да ја напушти француската територија и бил под судски надзор, во домашен притвор.
Францускиот претседател Емануел Макрон реагираше велејќи дека нема сомнеж дека станува збор за „терористички и исламистички напад“ и додаде дека министерот за внатрешни работи ќе соопшти повеќе детали подоцна во вечерните часови.
ИЗДВОЕНИ
САД предложија „едноставна и историска“ резолуција до Генералното собрание на ОН за „брз крај“ на војната во Украина
Радоста носи убаво време: Кога ѝ студот зрачи со убавина/ФОТО
Меџити: Минчев да не го копира Апасиев – му се допаѓало или не, правичната застапеност на Албанците е уставна категорија
„Дипломатија на втор колосек“: Тајни средби во Швајцарија за ставање крај на војната во Украина
