Жена од Имотски веќе три години го издава својот стан преку Booking и Airbnb, но се изненадила кога слушнала дека нејзиниот стан се изнајмува и на Фејсбук.
Таа вели дека никогаш не го рекламирала никаде на друго место, а камоли на Фејсбук токму поради безбедноста во бизнисот. Затоа најпрво ја изненадил повик од госпоѓа која на една популарна социјална мрежа ја нашла „нејзината“ реклама, пишува Слободна Далмација.
„Откривме како некој од Фејсбук профилот на Geb Westerwinter користи фотографии, не само од мојот стан, туку и од различни станови од цела Далмација, па дури и Црна Гора, и продава сместување. Кога клиентите ќе контактираат со личноста која стои зад тој профил, таа веднаш бара 40 проценти аванс од цената што ја измислила“, рече таа.
„Гледајќи ја понудата на станови од тој профил, видов дека се нудат по многу поволни цени, кои, претпоставувам, треба да бидат подобра мамка за клиентите. Така, на пример, стан во Дубровник се нуди за 70 евра… А, мојот се нудеше за 55 евра од ноќевање, што е многу пониска цена од онаа што ја огласив на Букинг“, вели жената што изнајмува.
Со оглед на тоа што сакала да го разоткрие лажниот сопственик, најпрвин се обратила за помош во полиција, но во полициската станица ѝ било кажано дека не можат да реагираат врз основа на лажниот оглас. Без кривично дело, конкретна измама, и рекле, не може да се поведе никаква постапка.
„Бидејќи госпоѓата ми даде информации за профилот на Фејсбук, кој го рекламира мојот стан, решив да контактирам со лицето кое стои зад него. Ја побарав за стан во Имотски и добив мои фотографии, информации за плаќање, IBAN-број на сметката и име на лице за кое не сум сигурна дека е сопственик на таа сметка“, откри таа.
Не можеа да го потврдат сопственикот на сметката во банката кај која е спомната сметката, а од полицијата ми рекоа дека ни тоа не можат да го направат. Нејзината единствена опција беа медиумите.
Таа направила малку истражување и забележа дека Фејсбук профилот на Геб Вестервинтер е доста активен во иселеничките групи во Германија.
„Всушност, тaa најмногу бара жртви таму. Нуди сместување на брегот во Хрватска – Истра, Далмација, острови, но и Црна Гора. Само морски локации… Профилот е активен неполни два месеци, со профилнафотографија од куче далматинец. Во воведот лицето го наведува Задар како домашна адреса, а доаѓа од германскиот град Лудвигсвинкел“, вели таа за Слободна Далмација.
При копирање на содржината на огласот, во кој се менуваат само имињата на местата и градовите, симптоматично секогаш се повторува истата низа „…со две спални, дневна, опремена кујна и бања…“. Тоа веќе јасно укажува дека станува збор за измамник.
