Крива Река е загадена – со цијанид или со фекалии!?

Еколошкиот инцидент во Крива Паланка некој сакаше да го скрие од јавноста, истакна градоначалникот на Крива Паланка, Сашко Митовски, во телевизиската дебата со Тони Тоневски, директор на „Булмак 2016“, компанијата која стопанисува со рудникот „Тораница“, каде што пукна цевка со загадена вода со цијанид и други опасни токсични материи од јаловината и се излеаја во Тораничка Река, а оттаму во Крива Река.

Директорот на „Булмак 2016“, Тони Тоневски рече дека лабораториската анализата што ја направиле по хаваријата во рудникот „Тораница“ покажала дека немало присуство на цијанид во Тораничка Река. – Покачената ПХ вредност на азот, фосфор, амонимум е точна, но од ова нема ништо во водата што ја испуштаат од кај нас. Овде се работи за органски материи од фекални води и животински и растителен свет. Во рудничката вода нема фекалии – изјави Тоневски

Еколошкиот инцидент во Крива Паланка некој сакаше да го скрие од јавноста, истакна градоначалникот на Крива Паланка, Сашко Митовски, во телевизиската дебата со Тони Тоневски, директор на „Булмак 2016“, компанијата која стопанисува со рудникот „Тораница“, каде што пукна цевка со загадена вода со цијанид и други опасни токсични материи од јаловината и се излеаја во Тораничка Река, а оттаму во Крива Река.

– Сите оние несоодветни реакции на Државниот инспекторат и Министерството за животна средина и сите нивни штури изјави на Фејсбук, јасно укажуваа дека некој имаше намера ова да го скрие од јавноста – рече Митовски.

Тој се осврна на институционалното непостапување поврзано за случајот со рудникот „Тораница“ и еколошкиот инцидент и загадувањето на Крива Река.

– Според резултатите од анализите на водата на Крива Река, вредноста на оловото е зголемена за 10 пати повеќе од дозволеното, а вредноста на цијанид е зголемена за 0,014,  од дозволените 0,001. Факт е дека ова некој сакаше да го скрие од јавноста. И по 17 дена сè уште немам добиено официјално соопштение од рудникот „Булмак 2016“ за да ги информира граѓаните на Крива Паланка за што станува збор. Немаше јавно и транспарентно прикажување на сите записници од инспекцискиот наод и ова отвора сомнеж дека некој сака да го скрие. И најверојатно тоа е Државниот инспекторат и „Булмак“ во заедничка корелација. Друго објаснување нема – рече Митовски.

Тој посочи дека неговата одлуката за правење на анализите на водата се заснова единствено врз потребата на заштита на граѓаните.

– Во една таква ситуација, како прв човек на општината, кога гледате дека системот и државните институции не функционираат, неопходно и неминовно беше да застанам во одбрана на моите сограѓани. Во соопштението од Државниот инспекторат за животна средина беше наведено дека се работи за технолошки води, но без соодветни анализи. И во целата постапка не се земени предвид сите инспекциски методи, а институциите директно излегоа во одбрана и заштита на рудникот „Булмак 2016“. Сметаме дека Државниот инспекторат е застанат директно во одбрана на приватната компанија – рече Митовски.

Според него, општина ги превзема сите превентивни мерки, со достава на соодветна кривична пријава до ОЈО, до Бирото за јавна безбедност каде покрај сите членови од кривичниот записник, ќе се бара и целокупна кривична одговорност.

Директорот на „Булмак 2016“, Тони Тоневски рече дека лабораториската анализата што ја направиле по хаваријата во рудникот „Тораница“ покажала дека немало присуство на цијанид во Тораничка Река.

– Покачената ПХ вредност на азот, фосфор, амонимум е точна, но од ова нема ништо во водата што ја испуштаат од кај нас. Овде се работи за органски материи од фекални води и животински и растителен свет. Во рудничката вода нема фекалии. Ние имаме резултати кои покажуваат дека во трети категории на води цијанид е дозволено да има 100, а кај нас резултатите покажале 10. За олово дозволено е 30, а кај нас има 52,8. И тоа е нормално – изјави Тоневски.

Од владејачката ВМРО-ДПМНЕ се изјаснија дека институциите постапиле и ќе постапат. Пратеникот од оваа партија Бране Петрушевски посочи дека Државниот инспекторат за животна средина веќе изрече казна за рудникот од над 200 илјади евра.

– И секој кој ќе ја загрози животната средина ќе се соочи со санкции, без исклучок. Истовремено е издадено решение со кое се задолжува рудникот да преземе мерки од А-интегрираната еколошка дозвола за да се направи процена од надворешни стручни лица во определен рок. По добивање на резултатите доколку има проценета штета на животната средина од страна на ДИЖС ќе се поведе соодветна постапка – истакна Петрушевски.

На еко-активистката Татјана Стојановска не ѝ е јасно како се мисли со пари да се казнува екоцид.

– Како тоа се мисли дека е во ред да се остави сторителот да повика фирма, да ги утврди штетите и да ги врати во нормална состојба?! Дека државата не ја интересира здравјето на граѓаните и околината, па остава на сторителот тоа да си среди. И тоа „доколку”, на веќе потврдена загаденост на реката ми боде очи во изјавата. Сака да каже штетата не е од казнетиот субјект иако има такви индиции дека тој треба да работи додека се установи од кого е и колкаво е загадувањето – се прашува Стојановска.

(С.Бл.)