Критична недела, преговорите за завршување на војната неизвесни! Зеленски: Русија се обидува да ги измами Америка и светот

Русија ја нападна Украина со 8.500 бомби, 200 проектили и 3.000 беспилотни летала откако Киев предложи 30-дневен прекин на огнот, рече Володимир Зеленски во своето ноќно обраќање. Украинскиот претседател изјави дека повеќето од нив биле испукани кон цивилни цели.

„Русите зборуваат многу за нивната наводна подготвеност да ги прифатат американските предлози, но досега нема забележано подготвеност од страна на руската војска за вистински прекин. Апсолутно е јасно дека Русија навистина се обидува да го измами светот, да ја измами Америка и другите – и дополнително да ја одолговлекува оваа војна.

Германија ја повика Украина да не го прифаќа последниот мировен предлог на Доналд Трамп, нарекувајќи го „капитулација“.

Трамп предложи Киев да отстапи делови од територијата во замена за примирје со Русија. Германскиот министер за одбрана, Борис Писториус, рече дека иако Украина знае дека можеби ќе треба да се откаже од некоја територија, таа „не треба да оди толку далеку од последниот предлог на американскиот претседател“. „Украина можеше сама да го добие она што беше вклучено во тој предлог пред една година, тоа е слично на капитулација. Не гледам никаква додадена вредност“, изјави тој за германската јавна телевизија АРД, пишува Sky News.

Рускиот претседател Владимир Путин ги повика командантите во Курск за да им честита за протерувањето на украинските сили, објавија руските новински агенции, цитирајќи го Кремљ. „Путин им честиташе на победата и им се заблагодари за херојското дело“, изјави портпаролот на Кремљ, Дмитриј Песков.