Неколку луѓе во белгискиот олимписки тим се разболеа од коронавирус само неколку часа пред церемонијата на отворање на Игрите во Париз. Ова го соопшти главниот лекар на белгискиот олимписки тим, Јохан Белеманс. Сепак, тој не прецизираше колкумина спортисти се позитивни на ковид-19.
- Не сакаме да ризикуваме. Имаме неколкумина спортисти што се на листа на чекање и сè уште не им е дозволено да учествуваат на Олимпијадата, бидејќи прво треба да добијат негативен тест – рече Белеманс.
