Компир ли е, злато ли е – килограм млад компир во Србија 500 денари!

Цената на младите компири во Србија предизвика голема полемика на социјалните мрежи. Центарот на потрошувачи на Србија објави фотографија од пазар на која јасно се гледа дека цената на младите компири е 1.000 динари, што е еднакво на 500 денари, пишува Блиц.рс.

Како одговор еден корисник на социјалната мрежа Фејсбук сподели слика од Словенија и со цената на младите компири ја шокираше јавноста. Под неа пишува „Цената на младиот компир во Словенија. Во Србија 7 евра“.

На сликата се гледа дека младите компирчиња  во Словенија се продаваат за 0,59 евра, а старите за 0,89 евра, што значи дека се далеку поевтини отколку во Србија.

По оваа објава се нижат многу коментари. Има коментар дека во Русија неговата цена за килограм е 1,1 евро.

„Кому му е скапо нека земе мотика в раце, па сам нека го насади!“, пишува во еден од коментарите.

Некои коментираат дека цената на компирите во земјите на Европската Унија е пониска отколку во Србија. Жителка на Словачка напишала дека не е во можност да објави фотокоментар, но како за споредба кажува дека во таа земја цените не се најниски во ЕУ, а цените на одредени производи се пониски во Австрија и во Германија.

„Да не почна продажба на парче? Се знае ли нешто?“, пишува еден корисник на Фејсбук.

Друг, пак, додава дека по таа цена наскоро ќе се продава стариот компир кој сега чини 50 динари, односно 25 денари.