Авион на „Саутвест ерлајнс“ и приватен авион утринава за малку ќе се судреа на аеродромот Мидвеј во Чикаго, но екипажот на комерцијалниот лет ја избегна несреќата со маневар во последен момент.
Достапните снимки од Чикаго Мидвеј покажуваат како авион на Southwest Airlines се обидува да слета, но потоа нагло полета бидејќи приватен авион кој штотуку слетал влегол во пистата каде што требало да слета патнички авион.
ФАА покрена истрага за инцидентот, а според првичните информации контролорите на летање брзо реагирале и спречиле можен судир, пишува Newsweek, пренесува Инедекс.хр.
Овој настан дополнително ја зголемува загриженоста за безбедноста на американскиот воздушен простор, особено во светлината на неодамнешните отпуштања во регулаторните тела и честите воздушни инциденти што го одбележаа почетокот на 2025 година.
Најтрагичниот од нив се случи на 29-ти јануари, кога имаше катастрофален судир во воздух над реката Потомак во близина на Вашингтон. Во несреќата учествувале авион Бомбардиер ЦРЈ700 на Американ Ерлајнс и хеликоптер Сикорски УХ-60 Блек Хок на американската армија. 67 луѓе загинаа, што го прави овој инцидент најсмртоносната воздушна несреќа во САД во речиси 24 години.
🔴 Close Call at Chicago Midway! Southwest Flight #WN2504 had a near-miss when FlexJet LXJ560 crossed Runway 31C.
Captured by webcam host via @airwaysmagazine🎥✈️ pic.twitter.com/fWU7R6JfZk
— AirNav Radar (@AirNavRadar) February 25, 2025
