Кој треба да ја плати сметката на првиот состанок?

Вечното прашање е „кој треба да ја плати сметката на првиот состанок“. Традиционалистите тврдат дека тоа треба да го реши мажот за да покаже дека може финансиски да ја поддржи жената на која и се додворува.

Сепак, некои сметаат дека сметката на првиот состанок треба да се подели и подеднакво да ја платат и жената и мажот. Експертот за запознавање Вики Павит го даде својот одговор за Дејли Стар на тоа вечно прашање.

Таа тврди дека тоа е личен избор кој ги одразува вредностите на една личност. Таа рече дека прашањето кој треба да ја плати сметката на првиот состанок е субјективно и зависи од личноста.

„Мислам дека треба да се разговара пред состанокот“, вели Павит, објаснувајќи дека тоа му дава можност на личноста со која излегувате да ја изрази својата желба да ја плати сметката затоа што ја гледаат како подарок и да избегне да изгледа препотентно ако инсистира да плати. „Договорете се“, посочи таа.

Експертот за бонтон Дајан Готсман има поинакво мислење. Таа вели дека едно од основните правила е тој што бара некого да излезе треба да ја плати сметката, вклучувајќи го и бакшишот.

„Правилото кога станува збор за состаноци, а особено за првите состаноци, е дека лицето што го остварува повикот исто така плаќа. Сметката и бакшишот одат рака под рака“, изјави таа за CBS News.

„На пример, ако првпат се среќавате лично со некој што сте го виделе на апликација за запознавање, но не ве импресионирал, понудете се да ја платите сметката“, вели Готсман.

„Можете да му кажете на келнерот: „Јас ќе го платам својот дел“, за да не ги трошите парите на таа личност“, објасни таа.