Кочани стана дива депонија на шест општини кои своето ѓубре го фрлаат на кочанската депонија. Народниот правобранител денеска направи увид на депонијата која гори, а густиот отровен чад ги труе сите во околината. Потоа замина на средба со кочанскиот градоначалник.
Ана Симонова од здружението Грин вели дека Кочани и натаму ќе го прима ѓубрето од другите пет општини и истото ќе гори како и досега.
– Механизација нема, финансии исто така нема, а нема ниту капацитет Кочани да се справи со толку ѓубре – вели таа по заедничката обиколка со Народниот правобранител.
Таа објаснува дека Свети Николе не чекаше да стане регионална депонија, туку изградба на фабрика за ѓубре за сите овие општини што е сосема различно.
– До таа фабрика за ѓубре треба да се изгради и посебен пат. Ниту пат има, ниту фабрика за ѓубре. На пример, од Кочани ѓубрето треба да се носи на претовар во Штип каде ќе се вршеше селекција. Ова важи и за сите други општини, но нема да се носи бидејќи после Штип и таа селекција нема каде да оди, односно нема фабрика за ѓубре. Штип не се глупи да прифатат ѓубре од шест општини – вели таа.
(С.Бл.)
