Поради неправилности во работењето, пропусти и основани сомнежи за незаконско работење и постапување, Владата наложи да престанат со работа Друштвото за приредување електронски игри на среќа, Нова Државна видеолотарија НОВО ВЛТ ДОО – Скопје и неколку друштва за приредување интернет-игри на среќа.
Станува збор за Друштвото за приредување интернет- игри на среќа Државна лотарија – МОЦАРТ ДОО Скопје, Друштвото за приредување интернет-игри на среќа Државна лотарија – 77 БИТС ДОО Скопје и за Друштвото за приредување интернет-игри на среќа Државна лотарија – ВЕЗУВ ДОО Скопје, во кои содружник е Државна лотарија на Република Македонија.
Владата го задолжи Друштвото за приредување игри на среќа, Државна видеолотарија на Република Македонија – КАСИНОС АУСТРИА ДОО – Скопје, да ги преземе потребните активности за отстранување на платформата 2Win.mk за приредување интернет- (онлајн) игри на среќа од глобалната интернет-мрежа.
