Севернокорејскиот лидер Ким Jонг Ун ги обвини Соединетите Држави дека стојат зад сите конфликти и крвопролевања во светот, потврдувајќи ја политиката на Пјонгјанг за понатамошен развој на своите нуклеарни сили, објавија денеска севернокорејските државни медиуми.
За време на посетата на Министерството за одбрана во саботата по повод одбележувањето на 77-годишнината од основањето на севернокорејските вооружени сили, Ким рече дека американските стратешки нуклеарни средства се распоредени на Корејскиот полуостров и дека заедничките воени вежби на САД, Јапонија и Јужна Кореја водат кон „нова структура на конфликти“, за која рече дека претставува голем предизвик за Северна Кореја.
Севернокорејскиот лидер, исто така, ги обвини САД за војната меѓу Русија и Украина, објави севернокорејската новинска агенција КЦНА.
Ким изјави дека севернокорејската армија и народ континуирано ќе ја поддржуваат борбата на рускиот народ за, како што рече, одбрана на својот суверенитет, безбедност и територијален интегритет, објави Јонхап.
Американскиот претседател Доналд Трамп во петокот по средбата со јапонскиот премиер Шигеру Ишиба изјави дека ќе воспостави односи со Северна Кореја, откако двајцата лидери изразија загриженост за нуклеарната програма на Северна Кореја, пренесе Танјуг.
ИЗДВОЕНИ
Оперски грмотевици: Пласидо Доминго на сцената во Скопје ја излеа магијата на својата најнова музичка приказна/ФОТО
Мерката куќен притвор се преиначува: Јахоски оди во 30-дневен притвор, одлучи Кривичниот суд
Законот за јазиците меѓу политиката и дивјаштвото
„Удар од народот“ врз Судскиот совет на чело со премиерот
