Киев му препорача на Путин лекови за мозокот

Советникот на украинскиот претседател Дмитро Литвин извести за два потврдени руски напади врз енергетската инфраструктура и ги повика меѓународните партнери да помогнат да се спречат идни напади, пренесува УНН.

Литвин изјави дека ова се само првични податоци и дека целосните извештаи се уште не се доставени. Тој исто така нагласи дека прашањето за спречување на такви напади е одговорност на меѓународните партнери на Украина.

„Патем, само во последните 24 часа, веќе имаше најмалку два потврдени руски напади кои ја оштетија енергетската инфраструктура на Украина, а тоа е дури и без целосните извештаи за тој ден. А за спречување на понатамошни напади како овие се одговорни нашите партнери“, рече Литвин.

Литвин реагираше и на неодамнешните изјави на Путин, кој продолжува да ја брани идејата за „привремена администрација“ во Украина со цел да се одржат претседателски избори. Според рускиот лидер, тоа е неопходно бидејќи „не е јасно со кого да се потпише мировен договор“.

Путин ги спомна и земјите од БРИКС и Северна Кореја како потенцијални партнери за мировните преговори. Одговарајќи на овие коментари, Дмитро Литвин го советувал рускиот претседател да користи лекови за подобрување на менталната активност, истакнувајќи дека тоа може да му помогне појасно да ја разбере вистинската ситуација.

„Ако Путин уште еднаш се обидува да открие со кого треба да разговара за сериозно да се придвижи кон ставање крај на оваа војна, можеби треба само да земе некои апчиња за зајакнување на мозокот – под претпоставка дека таквите апчиња сè уште делуваат на него“, заклучи Литвин.