Инспекторатот на Општина Карпош утре започнува акција за отстранување на бесправните објекти, која ќе трае најмалку две недели. Ќе бидат опфатени голем број бесправни градби за кои има целосно завршена инспекциска постапка согласно со Законот за градење. Општинските служби напоменуваат дека доколку граѓаните сами не ги отстранат бесправно изградените градби, трошокот од присилното извршување ќе им биде наплатен со заклучок за трошоци.
За таа цел, ги опоменуваат и ги предупредуваат сите граѓани што имаат инспекциски постапки во секторот Инспекторат – Градежна инспекција, со постапка за присилно извршување градби изградени без одобрение за градење, како и градби изведени спротивно на член 73 од Законот за градење, да ги отстранат во најбрз можен рок.
Инспекторатот од Општина Карпош спроведе и акција за расчистување на дел од парцелата кај спортската сала „Борис Трајковски“, поради дивонаселените импровизирани градби, каде што се создаваше голема количина отпад.
– Акцијата се одвиваше во присуство на полициски службеници, но при расчистувањето, немаше потреба од нивна интервенција. Импровизираните бесправни градби се целосно отстранети, а градежниот шут и отпадот што се создадоа од нив се целосно собрани и транспортирани во депонијата „Дрисла“ – известуваат од Општина Карпош.
ИЗДВОЕНИ
Пандов: Ќе биде суспендиран затворскиот полицаец кој му дал мобилен телефон на притворениот Јованов
„НЕ Е КОБНО МЕСТОТО ТУКУ ЛУЃЕТО И СИСТЕМОТ“: Протестен марш на „Партизанска“ – граѓаните бараат правда за Фросина
Бојкотот го преполови приходот на маркетите, ќе паѓаат ли цените?
Перински, Ѓорѓиевски, Стефковски водат кампањи додека чекаат Мицкоски и граѓаните да пресечат, СДСМ ќе решава до мај
