Општина Бутел и оваа година доделува стипендии за најуспешните спортисти. За таа цел, како што информираше градоначалникот Дарко Костовски, денеска е распишан и јавен повик кој ќе биде отворен 15 дена.
Стипендиите ќе бидат во пет категории. Првата категорија е износ од 12.000 денари месечно, во времетраење од една година, втората категорија е во износ од 8.000 денари месечно, во времетраење од една година, третата категорија е во износ од 5.000 денари месечно, во времетраење од една година, четвртата е во износ од 24.000 денари, којашто ќе се исплати еднократно и петта категорија е во износ од 10.000 денари, којашто ќе се исплати еднократно.
Заинтересираните кандидати потребните документи треба да ги достават во архивата на општина Бутел, со назнака „Повик за доделување на спортски стипендии на спортисти на општина Бутел”.
За транспарентноста на Јавниот повик е задолжена комисија составена од претставници на општинската администрација. Согласно Правилникот за доделување на стипендии, врвен критериум се постигнатите спортски резултати.
