По повод 11. Декември – Денот на заштитниците на градот и оваа година ќе бидат доделени традиционалните Годишна награда и животно дело на Општина Струмица „Св. Петнаесет Тивериополски Свештеномаченици”.
Годишната награда на Општина Струмица „Св. Петнаесет Тивериополски Свештеномаченици” се доделува како признание на Општина Струмица на правни и физички лица од Струмица, Република Македонија и други држави како и на меѓународни организации и асоцијации и нивни претставници за посебни остварувања во: стопанството, науката, уметноста, културата, воспитувањето и образованието, здравствената заштита, социјалната заштита, спортот, техничката култура, заштитата и унапредувањето на животната средина и природата, како и сите други сегменти од животот што дале посебен придонес за развој и афирмација на Општина Струмица во државата и пошироко.
Годишната награда се доделува за остварувања реализирани во период од една година, сметано од завршувањето на огласот и за остварувања во период подолг од десет години како награда за животно дело.
Конкурсот трае заклучно со 23 ноември 2024 година.
