Каваи Ленард ќе ја пропушти целата претсезона поради повреда на десното колено, што го доведува во прашање дали ќе може да игра на стартот од НБА лигата. За Лос Анџелес Клиперс, регуларниот дел од сезоната започнува на 23 октомври против Феникс Санс, а тренерот на тимот, Тајрон Лу, изјави за моменталната ситуација на Ленард.
- Тој продолжува да се рехабилитира. Тој продолжува да се подобрува, истакна Лу.
Ленард често има проблеми со повреди и голем дел од сезоната е надвор од ростерот на играчи, а пред три години имаше и операција на предните вкрстени лигаменти.
