Каталонскиот суд ја отфрли пресудата со која се дозволува потпомогнато самоубиство

Високиот суд на Каталонија ја отфрли пресудата со која се дозволува 54-годишен маж да изврши потпомогнато самоубиство, на што се жалеше неговиот татко, и случајот го врати на суд на разгледување, објавија денеска шпанските медиуми.

Судот во своето образложение напиша дека родителите може да имаат легитимен интерес да се спротивстават на потпомогнатото самоубиство на нивните најблиски, со што се спротивставуваат на каталонскиот судски систем да стави крај на правниот спор за овој случај на евтаназија, пренесува „Каденасер“.

„Невозможно е да се отфрли легитимниот интерес на родителите да се залагаат за опстанок на своето дете“, се вели во соопштението на судот, додавајќи дека тоа важи дури и во ситуации кога односите во семејството се нарушени.

Во овој случај, Францеск А. побара да му биде одобрено потпомогнато самоубиство, откако претрпел четири мозочни удари и два срцеви удари од 2020 година. Лекарите го одобрија барањето минатата година, но неговиот 93-годишен татко се спротивстави на одлуката и поднел жалба до судот.

По неколку месеци судски спорови, судот во ноември пресуди во корист на 54-годишниот маж и дозволи потпомогнато самоубиство.

Обвинителството, сепак, се спротивстави на оваа пресуда и поднесе жалба до Врховниот суд на правдата (ОПД), кој сега ја уважи нивната жалба.

Обвинителството побара да продолжи судскиот процес при што детално ќе се испита дали пациентот ги исполнува условите за одобрување на евтаназија.

Според нивното мислење, членовите на семејството имаат право да учествуваат во такви спорови бидејќи најдобро можат да ги разберат околностите и ситуацијата во која се наоѓаат нивните најблиски.

Како што наведува „Каденасер“, каталонската влада во овој случај го бранела правото на потпомогнато самоубиство доколку ги добие сите потребни лекарски одобренија.

„Правото да се донесе одлука за самоубиство е автономно и му припаѓа на поединецот, поради што трето лице не може да се меша во него во нивно име“, изјави Клара Пареја, службеничка од каталонското Министерство за здравство, пренесува Танјуг.