Најмалку 63 лица загинаа во Шпанија по поплавите кои погодија делови од земјата.
Обилните дождови во вторникот ги поплавија патиштата и градовите, автомобилите пливаа по улиците, а воз излета од шините и оштети домови и згради.
Властите во најтешко погодените области ги советуваа жителите да останат дома и да ги избегнуваат сите несуштински патувања. Владата на Кастилја-Ла Манча побара активирање на Воената единица за итни случаи (УМЕ) поради последиците од дождот во провинцијата Куенка.
Службите за итни случаи соопштија дека најмалку 63 лица загинале во поплавите што го погодија југоисточниот дел на Шпанија. Меѓу жртвите во Валенсија има и деца.
Во Летур 30 луѓе останаа заробени откако реката што минува низ градот се излеа од коритата.
|ÚLTIMA HORA
El río Turia en Valencia que normalmente está seco se ha llenado por completo esto debido a las fuertes corrientes provocadas por la #DANA #INUNDACIÓN ⚠️ pic.twitter.com/d2JW1kNrFT
— Valenciano (@Masvrd78688) October 30, 2024
Брзиот воз со речиси 300 луѓе излета од шините во близина на Малага, но властите соопштија дека нема повредени. Возовите на други места исто така се во прекин.
¡Sin palabras! Esta noche (29/10/2024), así están ahora mismo las calles de #Massanassa (#Valencia), tras la salida de la Rambla del Poyo. Varios coches tienen las luces encendidas, se supone que habrá gente dentro. ¡Qué horror, qué angustia de situación! Vídeo vía @Valencia_WX. pic.twitter.com/ktW31UzGTH
— MeteOrihuela (@MeteOrihuela) October 29, 2024
Невремето се очекува да продолжи до четврток, соопшти метеоролошката служба на земјата. На социјалните мрежи се објавени видеа на кои се гледаат луѓе заробени во поплавите, а некои се качувале на дрвја за да избегаат од поројот. Властите користеа хеликоптери за да спасат некои жители од нивните домови.
