Карневалските групи „Мулен Руж“ и „Струма“ од Струмица, изминатиот викенд учествувале на карневалот во Разлог, Бугарија, каде што се претставиле со своите уникатни маски.
Во информацијата објавена на веб-страницата на Општина Струмица се наведува дека со својот уникатен кореографски настап и впечатлива костимографија, струмичките карневалисти ја плениле публиката на плоштадот „Преображение“, која ги пречекала и поддржала со громогласен аплауз.
– Ова учество е уште еден доказ за длабокото пријателство меѓу Општина Струмица и Општина Разлог, и ја потврдува посветеноста на двете општини за натамошна соработка. Со оваа можност, се надеваме на продолжување на успешните и креативни заеднички иницијативи помеѓу нашите општини во иднина – информираат од Општина Струмица.
Годинашното издание на Интернационалниот струмички карневал ќе се одржи од 26 февруари до 5 март под мотото „Да прославиме“, а главната карневалска вечер ќе се одржи на 1 март, кога низ улиците на Струмица ќе продефилираат голем број маскирани учесници од земјава и странство.
ИЗДВОЕНИ
Трендафилов: Загрижува што синдикалната кошница се зголеми за минимални 123 денари, а очекувањата беа дека ќе се намали за 2300 денари
Трамп ја потпиша наредбата со која се става крај на американското државјанство со право на раѓање
Еве го голот на Кузмановски од 15 метри против Австрија (ВИДЕО)
Димитриевски – Рокас: Реформите во администрацијата и правосудството покажуваат дека Владата е на вистинскиот пат
