Срцевиот удар е сериозна медицинска состојба која погодува многу луѓе, а според Американското здружение за срце, секој петти преживеан доживее нов срцев удар во рок од пет години.
Сепак, постојат секојдневни навики кои можат да го намалат овој ризик и да ви помогнат да го одржите вашето срце здраво. Експертите истакнуваат пет клучни чекори што треба да ги преземат преживеаните од срцев удар.
Останете активни
Физичката активност е неопходна за здравјето на срцето. Кардиологот д-р Џорџ Сокос препорачува секојдневно вежбање, без разлика дали се работи за лесни прошетки или поинтензивни вежби – важно е да најдете што е најдобро за вашето тело.
На оние кои преживеале срцев удар им се советува да се подложат на рехабилитација на срцето, каде под стручен надзор се одредува безбеден и ефикасен план за вежбање, пишува HuffPost.
Прилагодете ја вашата исхрана
Здравата исхрана игра клучна улога во одржувањето на здравјето на срцето.
Американското здружение за срце препорачува исхрана богата со овошје, зеленчук, цели зрна, мешунки, риба, јаткасти плодови и посно месо.
Овој тип на исхрана помага во регулирање на холестеролот, крвниот притисок, телесната тежина – главните фактори на ризик за срцеви заболувања, истакнува д-р Метју Сеиболт.
Сепак, д-р Сокос истакнува дека исхраната не мора да биде совршена – клучно е да се намали внесот на масна и високо преработена храна, што може да придонесе за повторени срцеви удари.
Земajте ги препишаните лекови
Високиот холестерол, високиот крвен притисок, дијабетесот и дебелината го зголемуваат ризикот од срцев удар, но постојат лекови кои можат да го намалат овој ризик. Д-р Сејболт ја нагласува важноста на редовната терапија, бидејќи лековите можат да го намалат ризикот од срцева слабост.
Престанете да пушите
Пушењето предизвикува воспаление во телото и ја зголемува тенденцијата за згрутчување на крвта, што може да доведе до нов срцев удар. „Ако го комбинирате пушењето со кој било друг фактор на ризик, ситуацијата станува уште полоша“, предупредува д-р Сокос.
Редовни прегледи
Откако ќе доживеете срцев удар, станувате доживотен пациент бидејќи целта е да се спречи тоа да се повтори, вели д-р Сејболт. На почетокот повеќето пациенти внимателно ги следат упатствата на лекарот, но со текот на времето од страв или невнимание може да ги игнорираат редовните прегледи, пренесува Index.hr.
