Алкохолот од Соединетите Држави ќе биде повлечен од продавниците во канадската провинција Онтарио почнувајќи од вторник, како одговор на воведувањето царини од 25 отсто на американскиот претседател Доналд Трамп за канадскиот увоз, изјави премиерот на Онтарио, Даг Форд.
Форд на платформата X рече дека одборот за контрола на алкохол во Онтарио (LCBO) добил наредба да преземе мерки како одговор на воведувањето американски царини за канадски стоки.
Тој потсети дека до сега секоја година во Канада се бележела продажба на алкохолни пијалоци од САД во вредност од речиси една милијарда долари.
LCBO, исто така, ќе ги отстрани американските производи од својот каталог, така што другите ресторани и трговци на мало во Онтарио не можат да ги нарачаат тие производи, рече Форд.
Трамп потпиша извршна наредба за воведување царини за стоки од Канада, Мексико и Кина.
Прес-секретарот на Белата куќа, Керолин Левит, на брифинг со новинарите во петокот рече дека царините за Мексико и Канада ќе бидат 25 отсто и 10 отсто за Кина на нелегалниот фентанил дистрибуиран во САД, што според неа довело до смрт на десетици милиони Американци.
ИЗДВОЕНИ
Заврши акцијата „Вардар“: При претрес пронајдени над 500 илјади евра, уапсени 10 лица
Пандов: Ќе биде суспендиран затворскиот полицаец кој му дал мобилен телефон на притворениот Јованов
„НЕ Е КОБНО МЕСТОТО ТУКУ ЛУЃЕТО И СИСТЕМОТ“: Протестен марш на „Партизанска“ – граѓаните бараат правда за Фросина
Бојкотот го преполови приходот на маркетите, ќе паѓаат ли цените?
