Висок канадски политичар предложи некои американски држави да ја напуштат Америка и да им се придружат на соседите на север, по заканите на Доналд Трамп дека ќе ја преземе земјата.
Лидерката на канадската партија на зелените, Елизабет Меј, сугерираше дека три либерални држави на западниот брег, Калифорнија, Орегон и Вашингтон, би било подобро да станат дел од „Големиот бел север“. Таа рече дека ќе имаат корист од универзалната здравствена заштита и построгите закони за оружје, доколку одлучат да се отцепат.
Оваа изјава дојде откако премиерот на Онтарио, Даг Форд даде контра-понуда за купување на две американски држави – Алјаска и Минесота за Канада.
Двата коментари дојдоа како одговор на предлогот на Трамп, Канада да стане 51-та американска држава, реченица што започна како шега минатиот месец, но стана сериозен предлог од новоизбраниот претседател во последните недели.
Откако канадскиот премиер Џастин Трудо поднесе оставка оваа недела, повиците за државност на земјата само се интензивираа. Трамп во средата објави слика од карта на Северна Америка на неговиот профил на „Truth Social“ на која има шема на американско знаме што ги покрива САД и Канада.
Сепак, канадските политичари не се ентузијасти од идејата нивната земја да се вклучи во САД.
Говорејќи на прес-конференција минатата недела во Отава, Меј го повика новоизбраниот претседател и ги праша полибералните американски држави дали наместо тоа сакаат да преминат на студената страна.
„Еј, Доналд, имаме ли договор за тебе? рече таа.
Мислите дека сакаме да бидеме 51-та држава, а? Но, можеби Калифорнија би сакала да биде 11-та провинција. Што велиш на тоа? Калифорнија? Орегон? Вашингтон?“
Од друга страна, Форд беше малку помалку антагонистички настроен во својот пристап. „На претседателот ќе му дадам контра понуда. Што велиш да ја купиме Алјаска и да ги уфрлиме Минесота и Минеаполис во исто време?
Тој подоцна во понеделникот за Си-Ен-Ен изјави дека се шегува со неговите коментари
