Какви стандарди бараат мажите и жените кај своите партнери?

Студијата објавена во „Journal of Sex Research“ покажува дека и мажите и жените имаат слични стандарди кога влегуваат во романтични врски.

Колку повеќе сексуални партнери имате, толку сте помалку привлечни, пишува „Индипендент“.

Истражувањето исто така покажа дека луѓето сметаат дека повеќекратните партнери за секс имаат поголем потенцијал за пренесување на сексуално преносливи болести или мислат дека таа личност има навика да изневерува.

Во истражувањето учествувале 188 испитаници, од кои 104 биле жени, а се покажало дека мажите се помалку строги за бројот на партнери што ги има жената доколку бараат површна романса. Од друга страна, на жените им е крајно одбивно кога мажот имал повеќе од шест партнерки, а мажите се помалку заинтересирани за жените кои веќе имале повеќе од 11 партнери.

За двата пола, идеалниот број на партнери е да не биде повеќе од три.

• Спротивно на идејата дека машкиот промискуитет е поприфатен од женскиот, сите присутни изразија дека не сакаат да бидат со некој кој има премногу сексуални партнери, вели психологот Стив Стјуарт-Вилијамс.