Како изгледа животот во европскиот град во кој владее 24.часовен мрак?/ВИДЕО

Моментално е поларна ноќ во Лонгјарбиен, Свалбард. Тоа е природен феномен кој се јавува северно од арктичкиот круг и јужно од антарктичкиот круг, при што сонцето не изгрева над хоризонтот. Токму затоа е темница 24 часа на ден.

Времето во кое сонцето не изгрева зависи од географската локација на местото – на овој норвешки архипелаг во Арктичкиот океан поларната ноќ трае од крајот на октомври до почетокот на февруари.

Во текот на јануари е ноќ во девет часот наутро кога повеќето од 1.800 жители заминуваат на работа, напладне е темно кога ручаат, и после 17 часот кога се враќаат дома. Небото само повремено е прошарано со прекрасните светла на поларната светлина.

За да се одржи чувството на нормалност, домовите, улиците и работните места се осветлени со силни светла, а многумина користат светилки за светлосна терапија. Тие имитираат сончева светлина, го подобруваат расположението, концентрацијата, квалитетот на сонот и енергијата.

Поларна ноќ во Свалбард

Мора однапред да се подготвите за поларната ноќ. Би било лесно да се препуштите на чувството на моментот, да спиете цел ден и да не излегувате на студ – просечната јануарска температура во Лонгјарбиен на островот Шпитсберген е околу -6 степени Целзиусови.

Наместо тоа, локалното население ужива во активности на отворено. Многу луѓе одат во локалната теретана за да останат во форма.

Една од нив е Сесила Бломдал, која живее со својот партнер Кристофер и нејзиното куче Грим во близина на Лонгјарбиен, а својот живот го споделува на нејзиниот канал на Јутјуб.

Таа ги научи гледачите на нејзиниот канал дека носењето огнено оружје е сосема нормална работа во Лонгјарбиен. Поради опасноста од напади на поларна мечка, секој мора да биде опремен со соодветни средства за одвраќање и одбрана.

Бидејќи овде ништо не расте – и лето и зима – целата храна се доставува со брод и авион и е прилично скапа. Месечно трошат околу 1.200 евра за храна.

Откријте колку навистина е темно во текот на поларната ноќ во Свалбард во видеото на Сесилија.