Како Додик успеал да ја премине границата и да излезе од БиХ? Истрагата открива чудни детали

И покрај налогот за апсење, претседателот на Република Српска, Милорад Додик завчера се појави во Батајница, Србија и одржа говор покрај српскиот претседател Александар Вучиќ на годишнината од бомбардирањето на НАТО. После тоа, тој замина од Белград во Тел Авив, Израел.

Првично се веруваше дека тој ја прелетал границата со хеликоптер. Сепак, според извештајот на Граничната полиција на БиХ, нема пријавени летови, за кои сите авиони (вклучувајќи ги и ентитетските авиони) се обврзани да ги пријават во BHANSA.

Истрагата покажала дека Додик границата најверојатно ја поминал по копнен пат, на граничниот премин Рача, пишува Raport. Авионот на Додик доцна синоќа пристигна во Белград – веројатно празен, за да може да лета со него во Израел.

Интересно е што Додик и претходно го користел својот хеликоптер за патување во рамките на БиХ, но и надвор од БиХ. Според одговорите кои претходно ги добил Raport од BHANSA, секој лет мора да биде пријавен, но институциите не сакаа да откријат дали некои власти ја побарале оваа информација, пишува Нова.рс.

Се поставува и прашањето – зошто, на пример, Обвинителството на БиХ не побарало Судот на БиХ да изрече забрана на BHANSA да одобрува летови со авиони што ги користи Додик?

Од друга страна, интересно е што неодамна преку Рача во БиХ влезе уште еден бегалец – Ненад Стевандиќ.

Стевандиќ бил во Белград во моментот кога била распишана централната потерница, па се поставувало прашање како успеал да ја помине граничната контрола. Сепак, набрзо се појави во Бања Лука.

Граничната полиција спроведе истрага и утврди дека Стевандиќ користел ситни измами, како и Додик, најверојатно ја преминал границата на Рача – граничен премин кој и двајцата очигледно го оцениле како најслаба алка, каде што имаат свои луѓе кои ќе замижуваат.

Враќањето преку Зворник го најавил на 18 март, но неговото возило во исто време се појавило на граничниот премин Рача. Меѓутоа, наместо Стевандиќ, во него бил неговиот син.

Дури утрото било утврдено дека Стевандиќ веќе е во земјата, кога заедно со бегалецот Милорад Додик се појавил на прес-конференција. Затоа, постои сомнеж дека Стевандиќ можеби користел и речен траект за да ја премине границата.

Секако, веројатно и двајцата имале помош „од внатре“, бидејќи наводно ниту една камера на граница не ги фатила и никој не ги видел, пишува Нова.рс