Како да се подготвите за сезоната на алергии и како да ги препознаете симптомите?

Еден од предизвиците со сезонските алергии е тоа што нивните симптоми можат многу да личат на оние на обичната настинка.

Течење на носот

Затнување

Замор

Кивање

Сепак, постојат неколку клучни разлики.

„Кивањето се јавува и при настинка и при грип, но кај алергиите е почестo, поинтензивнo и придруженo со чешање на носот. Исто така, чешањето и насолзени очи се карактеристични за алергиите, додека ретко се случуваат кај настинките, д-р Кристофер Кодиспоти.

Алергиите ретко предизвикуваат болки во грлото, кашлица или треска – симптоми кои се многу почести со вирусни инфекции како грип или настинка.

Совети за ублажување на симптомите на алергија

Без разлика дали страдате од кивање, чешање на очите или замор, добрата вест е дека постојат неколку начини да ги држите симптомите под контрола:

1. Започнете ја терапијата на време

Антихистаминиците и спрејовите за нос најдобро делуваат две до четири недели пред сезоната на алергии. Ним им треба време да се акумулираат во телото и да обезбедат целосен ефект.

2. Консултирајте се со лекар

Постојат многу различни лекови за алергија – но она што делува за едно лице можеби нема да делува на друго. Ако антихистаминиците не помагаат, вашиот алерголог може да препорача други опции, како што се спрејови со кортикостероиди.

3. Чувајте ги прозорците затворени

Отворените прозорци дозволуваат поленот да влезе во домот и да остане на постелнината, мебелот и теписите. Ако навистина треба да вентилирате, користете прочистувач на воздух или клима уред со HEPA филтер.

4. Носете маска надвор

Кога концентрацијата на полен е голема, маската може да биде одлична заштита – особено кога косите тревник или правите други активности во дворот.

5. Соблечете ги чевлите и слечете ја облеката веднаш по влегувањето дома.

Поленот лесно се лепи за облеката и чевлите. Соблечете ги чевлите на влезот и испрете ја облеката откако ќе престојувате надвор.

6. Внимавајте со домашните миленици

Кучињата и мачките кои остануваат надвор можат да донесат полен на нивното крзно. Редовно капете ги и бришете ги со влажна крпа по враќањето од прошетка. Исто така, обидете се да не ги пуштате во спалната соба.

7. Туширањето пред спиење е задолжително

Прашина и полен се таложат на кожата, веѓите, трепките и носот – затоа задолжително туширајте се пред спиење и измијте го лицето. Ова го намалува ризикот од вдишување на алергени од постелнината цела ноќ.

8. Размислете за плакнење на носот

Плакнењето на носните отвори со солен раствор може да го отстрани поленот и да ги ублажи симптомите како што се кивање, течење на носот и запушен нос.

9. Следете ги извештаите за полен

Националните организации објавуваат дневни извештаи за количината на полен во воздухот. Следете ги за да знаете кога да избегнете да бидете надвор или да ја зголемите вашата заштита.

10. Ограничете го вашето време надвор наутро и кога е ветровито.

Највисоко ниво на полен во воздухот обично има наутро и во ветровитите денови, додека воздухот се чисти по дожд. Планирајте ги активностите на отворено внимателно – кога ризикот е најмал.