Најмалку седум цивили се повредени кога јужнокорејски борбен авион по грешка фрлил бомби за време на вежба, соопшти војската на Јужна Кореја.
„Авион КФ-16 по грешка исфрли осум бомби МК-82 кои експлодираа надвор од предвидениот периметар“, се вели во соопштението.
Инцидентот се случил утринава околу 10 часот по локално време во Почеон, на северот на Јужна Кореја и на околу 25 километри јужно од демаркационата линија со Северна Кореја.
The Republic of Korea Air Force (ROKAF) has announced that during a Joint-Exercise today with the U.S. Air Force, a KF-16 Multirole Fighter “accidentally dropped” at least 8 Mk-82 500lb Bombs on the Town of Dong-myeon in the Gyeonggi Province of South Korea, less than 12 Miles… pic.twitter.com/9DMSu3pDSi
— OSINTdefender (@sentdefender) March 6, 2025
Новинската агенција Јонхап објави дека Јужна Кореја денеска спроведува „вежби со САД во Почеон“.
Јонхап јавува дека четири лица се тешко повредени, а тројца се полесно повредени и дека е причинета материјална штета.
