Јапонскиот возач Јуки Цунода, новиот тимски колега на Макс Верстапен, истакна дека тимот на Ред Бул „му дал задача“ да биде што е можно поблиску до Холанѓанецот.
- Ред Бул е фокусиран на освојување на шампионатот со Макс Верстапен. Хорнер (директор на Ред Бул) сака да бидам што е можно поблиску до Макс. Тој исто така ми вети дека ако можам да бидам пред Макс во некои ситуации, нема да бара од нас да ги замениме позициите, порача Цунода.
Цунода дојде од вториот тим на Ред Бул, Рејсинг Булс. Така тој ќе стане нов тимски колега на актуелниот шампион во Формула 1, Макс Верстапен, додека тимски колега на Лосон во тимот на Рејсинг Булс ќе биде Исак Хајар.
- Секако дека сакам подиум на следната трка, но морам да бидам реален. Ќе бидам задоволен ако бидам во ТОП10 и освојам бодови, додаде Цунода.
Сезоната во Формула 1 продолжува со тркачкиот викенд во Јапонија, а трката во Сузука ќе се вози во недела на 6-ти април.
ИЗДВОЕНИ
Ватикан бара враќање на земјата во Паљурци и светилиште за Мајка Тереза на Водно, а ние – Нунцијат во Скопје: ШТО ГИ ОПТОВАРУВА МЕЃУСЕБНИТЕ ОДНОСИ НА СВЕТАТА СТОЛИЦА СО МАКЕДОНИЈА?
Криминалниот ум би ја убил Зорица, а не Вања !?
Не е време за пиво и скара туку за борба за работнички права, ССМ повика на првомајски протест
ЕКО СРЕДА, ШТО АКО…? Од ‘рѓосани фабрики до зелени острови на културата
