„Јокиќ во Њујорк, тоа е мојот сон“

Јанис Адетокумбо даде храбра изјава која може да ја потресе НБА, бидејќи ѕвездата на Милвоки го повикува Никола Јокиќ да го напушти Денвер и да се пресели во Њујорк за да создаде „европска кошаркарска револуција“.

Коментарот на двократниот МВП доаѓа по изненадувачкиот премин на Дончиќ од Далас во Лос Анџелес Лејкерс, а Гркот сака да види европски ѕвезди како играат за повеќе франшизи.

Актуелниот МВП на лигата, Јокиќ, остана верен на Нагетс и ги предводеше до титулата во НБА лигата во сезоната 2022/23, додека се наметна како еден од најдобрите играчи во лигата.

• Го сакам Лука во Лејкерс. Го сакам Јокиќ на Никс. И ги сакам сите Европејци на големите пазари. Тоа е она што го сакам. Тоа е мојот сон, изјави грчкиот кошаркар кој игра за Милвоки.